Një ngjarje e rëndë tro nditi Gjermaninë, pasi një burrë 48-vjeçar me origjinë irakiane përplasi me makinë një turmë njerëzish.

Mësohet se ngjarja ndodhi në Pasau të Bavarisë ditën e shtunë pasdite, teksa nga incidenti mbetën të plagosur pesë persona, përfshirë gruan dhe vajzën e tij pesëvjeçare.

Sipas autoriteteve gjermane, i dyshuari është i njohur për policinë dhe sot gjykata ka nxjerrë urdhër arresti ndaj tij për tentativë vrasjeje. Hetimet e para sugjerojnë se konflikti mund të ketë lindur për shkak të një mosmarrëveshjeje mbi kujdestarinë e fëmijës.

Gruaja e tij dhe një tjetër person 39-vjeçar u shtruan në spital, por gjendja e tyre është jashtë rrezikut për jetën. Tre të plagosur të tjerë, përfshirë vajzën e autorit, janë liruar nga spitali pas trajtimit për plagë të lehta.

Dy gra të tjera, 18 dhe 52 vjeç, u plagosën gjithashtu me dëmtime sipërfaqësore dhe mavijosje. Policia po vazhdon hetimet për të sqaruar lidhjet e tyre me familjen e përfshirë në incident.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.