Një tjetër qytetar ka denoncuar në JOQ Albania situatën e rënduar të trafikut në zonën e Ranës së Hedhun në Lezhë, ku sipas tij automjetet janë të bllokuara prej më shumë se 6 orësh dhe nuk ka asnjë lëvizje.
“Jemi këtu mbi 6 orë presim në trafik. Nuk dihet arsyeja pse e kanë bllokuar. Vargu i makinave është nga Rana e Hedhun deri në qendër të Shëngjinit”, shprehet denoncuesi.
Siç shihet edhe në videon e dërguar nga qytetari, rruga është e mbushur me dhjetëra automjete të bllokuara. Pamjet tregojnë situatën e rënduar në një zonë që gjatë fundjavave frekuentohet masivisht nga pushues.
Qytetarët apelojnë për ndërhyrje të menjëhershme nga autoritetet, pasi pritja e gjatë në temperatura të larta po kthehet në stres dhe lodhje për drejtuesit dhe pasagjerët.
Denoncim
i nga Rana e Hedhun është vetëm një nga rastet që pasqyrojnë kaosin e trafikut në zonat veriore ditën e sotme. Më herët, qytetarë të tjerë raportuan bllokime disa orëshe nga Shkodra në hyrje të Lezhës, e më pas drejt Milotit e Kukësit, ku automjetet qëndronin në radhë për orë të tëra pa lëvizur.
Pamjet dhe mesazhet e ardhura nga qytetarët tregojnë një situatë alarmante, ndërsa mungesa e reagimit nga autoritetet vetëm sa e përkeqëson zemërimin dhe lodhjen e qytetarëve.
