Një 21-vjeçare nga Tirana, e identifikuar si Mimoza Bracja ka humbur kontaktet me familjen prej më shumë se 34 orësh.

Mësohet se ajo është larguar nga banesa e saj në rrugën “Shefqet Kuka” në zonën e Freskut, pas një debati të vogël me bashkëshortin. Ky i fundit ka treguar për JOQ ALBANIA se Mimoza kishte konsumuar substanca narkotike para largimit dhe ka probleme shëndetësore.

Ai ka bërë kallëzim në polici më 10 qershor në orën 21:30 dhe më pas ka dorëzuar një kallëzim me shkrim. Megjithatë, deri tani nuk ka pasur asnjë rezultat konkret nga hetimet. Mimoza nuk ka me vete dokumente identifikimi dhe telefon celular, duke e bërë më të vështirë identifikimin dhe kontaktimin e saj.

Familja është në kërkim të saj pasi kanë frikë se ajo mund të shfrytëzohet nga persona keqbërës. Nëse keni ndonjë informacion që mund të ndihmojë në gjetjen e saj kontaktoni menjëherë me policinë ose në numrin e telefonit: 0699894505

Njoftimi i policisë:

“Me datë 10.06.2025, shtetasi E. D., kallëzon se me datë 09.06.2025, i është larguar nga banesa bashkëjetuesja e tij shtetasja M. B., 21 vjeçe. Punohet për gjetjen e saj”