Një incident i pazakontë ka ndodhur në ujërat e Vlorës, ku pushuesit janë bërë dëshmitarë të një sherri të ashpër mes disa personave, pikërisht në mes të detit. Një video që po qarkullon në rrjetet sociale tregon momentin kur një grua afrohet me agresivitet dhe godet një burrë që ndodhej në det.
Menjëherë pas goditjes, ndërhyn gruaja që ishte me burrin, e cila nuk e lë pa reagim dhe i kundërpërgjigjet agresores me dhunë fizike. Përleshja mes të dyjave ndodh në ujë, duke shkaktuar kaos dhe alarm mes të pranishmëve.
Të tjerë pushues që ndodheshin në det ndërhynë për të ndarë gratë dhe për të ndihmuar në qetësimin e situatës.
Nuk dihen ende shkaqet e konfliktit, ndërsa videoja po bëhet virale duke nxitur reagime të shumta nga publiku.
