Një ditë pas publikimit nga “Dora Sekrete” të rastit të Mirit, të riut nga Kolonja e Fierit i cili kishte nevojë për një karrocë, një “Dorë Sekrete” e ka ndihmuar djaloshin që nuk ka mundësi të lëvizë.
Një person anonim ka dhuruar për Mirin një karrocë të re, e cila do t’i mundësojë atij të lëvizë më lirshëm dhe ta shikojë përsëri diellin pa asnjë pengesë. Karroca e vjetër e Mirit ishte prishur, dhe familjarët në pamundësi ekonomike, kërkuan ndihmë nga qytetarët një ditë më parë.
Familjarët shkruajnë: Ju telefonova dje për kushëririn tim që jeton në Kolonjë të Fierit, që kishte nevojë për një karrocë. Faleminderit, karrocën ia dhuruan.
Veprime të tilla duhen promovuar dhe nxitur sa më shumë, si një mënyrë përkujdesje për të gjithë personat në nevojë.
