Kryetarja e Kuvendit të Shqipërisë, Elisa Spiropali, ka mbajtur një fjalim të gjatë e të ngjeshur në Samitin Parlamentar të NATO-s në Bruksel, ku foli si për rajonin, ashtu edhe për çështjet globale. Mes temave të prekura, ajo iu drejtua drejtpërdrejt Iranit me një thirrje të qartë: ndaloni aktivitetet bërthamore dhe raketat balistike sipas ligjit ndërkombëtar.
“Shqipëria i bën thirrje Iranit të ndërpresë aktivitetet e tij bërthamore dhe të veprojë në përputhje me Traktatin për Mospërhapjen e Armëve Bërthamore,” theksoi Spiropali, duke e cilësuar situatën në Lindjen e Mesme si të rrezikshme dhe të tepërt.
Nga Brukseli, Elisa Spiropali i ka folur Iranit si mësuese e rreptë. Duke folur në emër të Shqipërisë, ajo tha se Teherani duhet të sillet mirë dhe të respektojë Traktatin për Mospërhapjen e Armëve Bërthamore.
