Një vajzë nga Kukësi ka dërguar një mesazh prekës në redaksinë e JOQ, duke kërkuar ndihmë nga qytetarët për të realizuar një nga ëndrrat më të mëdha të jetës, që të jetë pjesë e mbrëmjes së maturës.

Adoleshentja tregon se gjithmonë ka dashur që të ishte pjesë e mbrëmjes së maturës, por gjendja ekonomike e familjes së saj nuk ia mundëson realizimin e kësaj dëshire. Ajo tregon se nuk ka mundësi për të paguar fustanin e mbrëmjes dhe lokalin. “Nuk kam askënd që mund të më ndihmojë,” shkruan ajo.

Vajza ka një kërkesë të thjeshtë për qytetarët që e lexojnë mesazhin e dërguar: T’i mundësojnë që të realizojë ëndrrën e saj dhe të marrë pjesë në maturë. “Nëse do më ndihmoni do isha shumë mirënjohëse,” shton e reja.

Mesazhi i plotë:

Pershendetje JOQ Albania! Unë jam nje maturante nga Kuksi. Kam enderruar gjithmon te marr pjese ne mbremjen e matures, por per shkak te problemeve ekonomike nuk mundem.

Nuk kam mundesi te paguaj fustanin dhe lokalin, dhe nuk kam askend qe mund te me ndimoje.

Nese do me ndimoni do isha shume mirnjohese. Kame shume deshire te jeme pjese e nje momenti qe vjen vetem njhere ne jete.

Faleminderit me zemer per gjdo gje qe beni per shqiptaret ne nevoje!