Një aksident i rëndë rrugor është regjistruar rreth orës 11:30 paradite në fshatin Nizhavec, në njësinë administrative të Maliqit, ku janë përplasur dy automjete.
Sic shihet dhe nga pamjet e siguruara nga Euronews Albania, njëri nga mjetet ka përfunduar i përmbysur në një fushë pranë rrugës.
Sipas informacioneve paraprake, automjeti tip “Benz” me drejtues shtetasin J.D. është përplasur me një automjet tip “Volkswagen”, i drejtuar nga shtetasi L.S.
Si pasojë e përplasjes, është dëmtuar drejtuesi i “Volksëagen”-it, i cili është transportuar menjëherë në spitalin e Korçës dhe ndodhet nën kujdesin e mjekëve.
Ndërkohë, drejtuesi i mjetit tjetër, shtetasi J.D., është shoqëruar në Komisariatin e Policisë për veprime të mëtejshme procedurale.
Grupi hetimor ndodhet në vendngjarje dhe po punon për të zbardhur rrethanat dhe shkakun e aksidentit.
