Sipas raportimeve të CBS News, që citon burime anonime nga administrata amerikane, Shtetet e Bashkuara i kanë dërguar një mesazh të drejtpërdrejtë Iranit pas sulmeve të natës së kaluar ndaj tre objekteve bërthamore.
Në këtë mesazh, Uashingtoni ka theksuar se sulmet ishin të kufizuara vetëm ndaj programit bërthamor të Iranit dhe se SHBA-të nuk po kërkojnë një ndërrim regjimi në Teheran.
Ky komunikim diplomatik shihet si një përpjekje për të frenuar përshkallëzimin e mëtejshëm të konfliktit mes dy vendeve.
