Dashi (21 mars – 20 prill)

🐏 – Do të hapet një ditë plot nxitje dhe mundësi të reja. Planeti juaj udhëheqës, Marsi, ju nxit të veproni, por me kujdes – duhet të merrni një vendim të rëndësishëm që kërkon analizë të thellë. Në dashuri, çiftet mund të ndiejnë nevojën për të rifilluar dialogun. Beqarët mund të kenë një njohje interesante që ndez ndjenja të reja. Në punë, mos u sillni me impuls: kini një plan të qartë. Hëna do të sjellë një valë intuitash të vlefshme në mbrëmje. Branko ju këshillon të dëgjoni edhe këndvështrime të ndryshme – ndonjë sugjerim që duket i thjeshtë mund të jetë shumë i vlefshëm. Energjia po rritet, por mos lini pas dore gjumin dhe pushimin. Mos shpërfillni sinjalet që ju jep trupi.

—

Demi (21 prill – 20 maj)

🐂 – Qielli i kësaj të mërkure është më i butë për ju. Kjo është një ditë për reflektim dhe vlerësime të vogla. Venusi ju mbështet në çështjet e zemrës, por duhet durim – një debat i kaluar mund të rikthehet. Kërkoni harmoni me partnerin dhe shmangni tensionin. Në punë, mos hyni në përballje direkte – nuk është momenti i duhur për të shtyrë gjërat me forcë. Një ide që ju ka lindur ditët e fundit mund të fillojë të marrë formë, por vetëm nëse jeni të qëndrueshëm dhe të qartë. Studentët ose ata që po përgatiten për një provim do kenë mendje të kthjellët. Branko përmend një ëndërr të rëndësishme që keni parë natën – mund të mbajë një mesazh me vlerë. Ngadalësia dhe ndjeshmëria do jenë aleatët tuaj më të mirë sot.

—

Binjakët (21 maj – 21 qershor)

👬 – Nesër do të jeni figura kryesore kudo që shkoni. Hëna është në harmoni me ju dhe Merkuri ju jep shkathtësi në komunikim. Është dita ideale për të sqaruar një çështje të hapur, sidomos brenda familjes. Branko ju këshillon të përdorni fjalët me delikatesë dhe qëllim të mirë. Në dashuri, çiftet përjetojnë harmoni, ndërsa beqarët do të tërheqin vëmendje kudo. Në punë, mund të vijë një ofertë që duket premtuese – analizojeni mirë, por mos vononi shumë. Mëndja ju punon shpejt – përdoreni këtë energji për të sjellë rregull edhe në ndjenjat tuaja. Kjo është një ditë për hapje, lëvizje dhe ndjesi të bukura. Mos harroni: një buzëqeshje mund të sjellë fat.

—

Gaforrja (22 qershor – 22 korrik)

🦀 – Një ditë e ngarkuar emocionalisht, por edhe shumë e rëndësishme për ju. Hëna ju jep ndjeshmëri të thellë, por edhe vendosmëri për të vepruar. Branko thotë se duhet të merrni një vendim që lidhet me ndjenjat – dhe nuk mund ta shtyni më. Në dashuri, mund të dalin në pah disa të vërteta të pakëndshme – mos u mbyllni në vete. Beqarët mund të kuptojnë që një mik i afërt është më shumë se kaq. Në punë, mos nxitoni – sidomos nëse drejtoni një aktivitet personal, sepse mund të vijë një ofertë jo e zakonshme. Dëgjoni intuitën, por konsultohuni edhe me dikë me përvojë. Në mbrëmje, merrni pak kohë për veten: një banjë relaksuese ose një shëtitje nën yje mund të rikthejë balancën tuaj të brendshme.

—

Luani (23 korrik – 22 gusht)

🦁 – Kjo ditë ju nxit të dilni në dritë. Dielli është me ju, dhe me ndihmën e Marsit mund të veproni më me guxim. Branko ju inkurajon të mos keni frikë nga mendimet e të tjerëve: është koha juaj për të shkëlqyer. Në dashuri, pasioni ndizet sërish. Nëse jeni vetëm, hidhni një sy përreth – dikush ju vëzhgon prej kohësh. Në punë, ju kërkohet më shumë përkushtim dhe disiplinë, por jeni në gjendje ta përballoni. Një telefonatë ose mesazh mund të sjellë një kthesë të papritur. Kini kujdes me shpërndarjen e energjisë – mos e digjni të gjithë karburantin për një projekt të vetëm. Mbrëmja është ideale për ata që duan frymëzim, shkrim apo për të bërë plane personale.

—

Virgjëresha (23 gusht – 22 shtator)

👧🏼 – Yjet ju ftojnë të ngadalësoni. Kujdes, sepse tendenca juaj për të qenë të saktë mund të kthehet në një ashpërsi të panevojshme – ndaj mos u bëni shumë kritikë me veten apo të tjerët. Kjo ditë kërkon ekuilibër mes detyrimeve dhe kënaqësive personale. Në dashuri, partneri ka nevojë për më shumë vëmendje dhe ndjeshmëri. Beqarët mund të ndihen të hutuar, por një përgjigje mund të vijë pasdite. Në punë, ka ngarkesë, por mos u përpiqni të kontrolloni gjithçka vetë – më mirë të delegoni një pjesë të detyrave. Një shqetësim i vogël familjar mund të zgjidhet me pak diplomaci. Branko ju këshillon të bëni diçka që ju sjell kënaqësi – një libër i mirë, një vakt i preferuar apo një shëtitje e qetë në natyrë. Gjumë i mirë sjell ëndrra të çmuara.

—

Peshorja (23 shtator – 22 tetor)

⚖️ – Qielli është i qetë për ju, miq të Peshores. Kjo e mërkurë nis me butësi, por do kërkojë edhe vendosmëri në vendime. Horoskopi i Branko-s për ditën e nesërme ju udhëzon drejt më shumë qartësie në marrëdhënie. Në dashuri, nuk mjaftojnë më gjysmë-masat: është koha për sinqeritet dhe pozicionim të qartë. Beqarët duhet të kenë kujdes nga rikthimet nga e kaluara – jo gjithçka e vjetër duhet rihapur. Në punë, shfaqet një mundësi për rritje, por do kërkojë përkushtim dhe durim. Financat janë në përmirësim, por duhet të vazhdoni me këmbëngulje. Branko ju këshillon të dëgjoni këshillën e dikujt më të moshuar – në fjalët e thjeshta fshihet urtësia. Qetësoni mendjen me pak muzikë ose meditim: bukuria që kërkoni jashtë, sot lind nga brenda.

—

Akrepi (23 tetor – 22 nëntor)

🦂 – Ditë e thellë dhe intensive për ju. Hëna ju shtyn të përballeni me emocionet më të thella dhe të vërteta. Horoskopi i Branko-s flet për transformim: është koha të hiqni dorë nga ajo që nuk ju shërben më. Në dashuri, lidhjet bëhen më të sinqerta – një sqarim mund të forcojë afërsinë. Beqarët duhet të hapin zemrën pa frikë. Në punë, ruani diplomacinë – një keqkuptim mund të sqarohet vetëm me qetësi dhe maturi. Mund të merrni një propozim interesant, por të papritur. Mos kini frikë nga ndryshimi – jeni në proces rinovimi të brendshëm. Gjeni kohë për të qenë vetëm dhe për të reflektuar: çdo ide e madhe lind nga heshtja. Dëgjoni zërin e brendshëm.

—

Shigjetari (23 nëntor – 21 dhjetor)

🏹 – E mërkura do jetë e ngarkuar me shumë lëvizje dhe mendime. Branko ju këshillon të mos shpërndani energjinë në shumë drejtime: fokusohuni te një prioritet dhe përfundoni atë me kujdes. Në dashuri, çiftet kanë nevojë për komunikim më të hapur dhe të ndershëm. Beqarët janë tërheqës por të hutuar – kujdes me premtimet. Në punë, një udhëtim ose lëvizje mund të hapë dyer të reja. Dëshira për aventurë rikthehet, por mos harroni ata që ju duan afër. Mbrëmja ideale do ishte me miqtë më të ngushtë – pak fjalë të sinqerta vlejnë më shumë se shumë zhurmë. Shkruani idetë që ju vijnë – disa prej tyre kanë potencial real për t’u kthyer në projekte konkrete.

—

Bricjapi (22 dhjetor – 20 janar)

🐐 – Kjo ditë ju fton të jeni praktikë, por pa harruar të sillni edhe pak lehtësi në ditën tuaj. Horoskopi i Branko-s thekson ndërtimin e qëndrueshmërisë – jo me hapa të mëdhenj, por me durim dhe konsistencë. Në dashuri, dikush në çift mund të ndiejë nevojën për më shumë hapësirë personale – flisni hapur dhe me ndjeshmëri. Beqarët janë të rezervuar, por një mesazh i papritur mund të ndryshojë atmosferën. Në punë, kushtoni vëmendje detajeve – kontrolloni dokumentet, klauzolat, ose marrëveshjet para se të firmosni. Financat duan organizim më të mirë. Branko sugjeron të mos jetoni vetëm me detyrime: një shëtitje në natyrë, një libër i vjetër apo një bisedë me dikë të mençur mund t’ju rimbushojnë energjinë.

—

Ujori (21 janar – 19 shkurt)

🏺 – Do të ndiheni të frymëzuar dhe plot jetë. Shpirti juaj i lirë do të jetë shumë aktiv, sidomos në fushat krijuese apo sociale. Në dashuri, çiftet ndihen gati për të thyer rutinën – ndoshta me një udhëtim ose ndryshim të vogël në përditshmëri. Beqarët shkëlqejnë dhe tërheqin njerëz interesantë. Në punë, një ide origjinale mund të marrë vëmendjen që meriton – mos kini frikë të prezantoni vizionin tuaj. Vetëm tregoni kujdes me detajet ligjore ose burokratike. Është koha të riktheheni te një ëndërr të lënë pezull – universi ju mbështet. Në mbrëmje, një moment i qetë nën qiellin e natës mund t’ju sjellë përgjigje të brendshme. Flisni me ndjenjë, jo vetëm me logjikë – bota ka nevojë për vizionin tuaj.

—

Peshqit (20 shkurt – 20 mars)

🐟 – Emocionet do ju udhëheqin sot. Hëna ndikon fort në ndjeshmërinë tuaj – do jeni romantikë dhe paksa nostalgjikë. Branko ju këshillon të shikoni përpara me besim, pa u kapur pas së shkuarës. Në dashuri, çiftet ndajnë një moment të bukur dhe të thellë, ndërsa beqarët do përjetojnë një surprizë të këndshme. Në punë, është e nevojshme të bëheni më konkretë: një ide duhet strukturuar më mirë. Një mik apo shoqëri mund të kthehet në diçka më shumë. Shfrytëzojeni kreativitetin tuaj: vizatoni, shkruani, krijoni – imagjinata është pasuria juaj më e madhe. Në mbrëmje shmangni zhurmën dhe grumbullimet – qetësia është ajo që ju duhet. Ndjeshmëria juaj është dhuratë – përdoreni për t’i kuptuar më mirë të tjerët. /noa.al