Mëngjesin e sotëm, më datë 25 qershor 2025, rreth orës 07:00, në Institucionin e Ekzekutimit të Vendimeve Penale Lezhë, është konstatuar pa shenja jete i dënuari Allush Hysa, lindur më 12.09.1989.
Sipas njoftimit zyrtar, Hysa ndodhej në dhomën nr. 3, kati i parë, godina nr. 5, dhe po vuante masën mjekësore të “mjekimit të detyruar” që nga data 27 nëntor 2021, në zbatim të një vendimi gjyqësor. Ai ishte i diagnostikuar me epilepsi, çrregullim të sjelljes dhe prapambetje mendore.
Allush Hysa ishte arrestuar më 23 janar 2014 për veprën penale të “Plagosjes së rëndë”.
Menjëherë pas konstatimit të vdekjes, janë njoftuar strukturat përkatëse: SHKBSB, Prokuroria e Rrethit, Policia, si dhe familjarët e të ndjerit.
Drejtoria e Përgjithshme e Burgjeve i ka shprehur ngushëllimet familjes Hysa dhe ka nisur procedurat për zbardhjen e plotë të rrethanave të ngjarjes.
