Banorët e një kompleksi banimi në zonën e Malit të Robit i janë drejtuar redaksisë sonë për të denoncuar një rast flagrant të zaptimit të hapësirave të përbashkëta publike. Sipas tyre, një sipërmarrës privat, pronar lokalesh pranë kompleksit “Selmanaj”, ka rrethuar një sipërfaqe që u përket të gjithëve, duke e kthyer atë në zonë private për vendosjen e tavolinave të klientëve të vet.

Banorët shprehen të revoltuar, duke pohuar se Policia e Shtetit, në vend që të marrë masa për të ndaluar abuzimin, qëndron në krah të pronarit të lokaleve. Ata e akuzojnë policinë se është e njëanshme dhe se vepron nën ndikimin e interesave private.

Prej tre vitesh, banorët thonë se kanë depozituar disa peticione pranë institucioneve përkatëse për të kërkuar çlirimin e hapësirës publike, por deri më sot nuk është marrë asnjë masë konkrete.

“Kam nje rast per te denoncuar. Ne zonen e malit te robit kane zene hapsirat e perbashketa ne kompleksin Selmanaj. Po bejne sherr banoret me policine e shtetit qe eshte paguar nga pronari i lokalit. Per pak ju dergoj dokumentacionin. E kane rrethuar. Kemi tre vjet qe bejme peticione,” shkruan njw denoncues.

Qytetarët kërkojnë që prona publike të jetë ashtu sikurse është vendosur në fillim, e përbashkët, dhe jo të shfrytëzohet nga një palë e caktuar për përfitime personale.