Në Farkë, një zonë shumë pranë Surrelit, aty ku jeton vetë kryeministri Edi Rama, po shkatërrohen pyjet për ndërtimin e vilave luksoze. Një banor i është drejtuar redaksisë së JOQ Albania dhe shkruan se sipërfaqe të tëra janë zhveshur nga pemët, duke dëmtuar rëndë ekosistemin dhe duke rrezikuar biodiversitetin e zonës.

“Pershendetje JOQ! Po shkaterrohen pyjet per ndertim vilash ne Farke. Siperfaqja eshte zhveshur nga pemët”, shkruan qytetari.

Kjo duket si një krim mjedisor i papërgjegjshëm që vazhdon pa asnjë ndërhyrje nga autoritetet, ndonëse ndodhet shumë afër qendrës së pushtetit. Shumë banorë dhe aktivistë mjedisorë po ngritin shqetësimin, por deri më tani, askush nuk po reagon.

Ky dëm i madh për natyrën në Farkë ngre një pyetje të madhe, si mund të shohë kryeministri Rama krimet mjedisore në Theth, por nuk merr masa për shkatërrimin e pyjeve pranë shtëpisë së tij? Ky është një tjetër shembull i papërgjegjshmërisë dhe mospërfilljes së interesave të mjedisit dhe të qytetarëve që jetojnë në këtë zonë, të cilët tani janë të frikësuar nga pasojat që do të sjellë ky shkatërrim i pakontrolluar.