Një qytetare ka dërguar në redaksinë e JOQ Albania një video prekëse, ku shfaqet një grua e shtrirë në stolat përpara komisariatit të policisë në Vorë.
Sipas dëshmisë së saj, kjo grua ka tre ditë që fle aty, pa ushqim, pa kujdes higjienik dhe në gjendje jo të mirë psikologjike.
“Ju lutem, publikojeni këtë video. Kam tre ditë që e shoh aty, para komisariatit të Vorës. Është e paushqyer, e palarë dhe në gjendje të rëndë. Ka nevojë për ndihmë,” – shkruan denoncuesja.
Kjo situatë kërkon ndërhyrje urgjente nga strukturat përkatëse dhe solidaritet nga qytetarët.
JOQ Albania i bën thirrje institucioneve sociale, bashkisë dhe çdo kujt që mundet të ndërhyjë për ta ndihmuar këtë grua para se të jetë tepër vonë.
