Një aksident i rëndë rrugor ka ndodhur në Firence, në tunelin e di Valico, përgjatë autostradës A1 në kufirin midis Toskanës dhe Emilia Romagna, duke rezultuar në tre viktima dhe dy të plagosur rëndë.

Një Fiat Panda me pesë persona në bord, banorë të komunës Gravellona Toce në Piemonte, u përplas dhunshëm nga një kamion pasi u ndal papritmas në mes të tunelit.

Në aksident humbën jetën Mauro Visconti (69 vjeç, nga Verbania), Nydia Zoila Albuquerque Basulto (65 vjeç, nga Lima), Carla Stephany Visconti (39 vjeç, gjithashtu e lindur në Peru).

Në aksident humbën jetën Mauro Visconti (69 vjeç, nga Verbania), Nydia Zoila Albuquerque Basulto (65 vjeç, nga Lima), Carla Stephany Visconti (39 vjeç, gjithashtu e lindur në Peru).

Të tre viktimat ishin anëtarë të së njëjtës familje – gjyshërit dhe tezja e një vajze 4-vjeçare që ndodhej në makinë dhe ndodhet aktualisht në gjendje kritike në Spitalin e Fëmijëve Meyer në Firence. Në gjendje të rëndë ndodhet gjithashtu nëna e vajzës, 37 vjeçe, e cila po drejtonte automjetin. Ajo është shtruar në qendrën e traumës në Poliklinikën Careggi.

Një video nga kamerat e tunelit tregon se makina ishte ndalur për disa sekonda me dritat emergjence të ndezura. Disa automjete arritën ta shmangnin, por kamioni që vinte pas nuk mundi të ndalonte me kohë, duke shkaktuar një përplasje fatale. Shoferi i kamionit doli i padëmtuar dhe testet për alkool dhe drogë rezultuan negative.

“Një ngjarje tronditëse”, deklaroi kryetari i bashkisë së Gravellona Toce, Gianni Morandi, i cili shtoi se njëra nga viktimat ishte punonjëse sociale në një azil pleqsh dhe shumë e respektuar në komunitet.Zjarrfikësit përdorën mjete të posaçme për të nxjerrë personat nga makina e dëmtuar rëndë. Trafiku në segmentin verior të A1 u bllokua plotësisht nga ora 14:00 deri pak para orës 16:00. Kolonat arritën deri në 7 kilometra gjatësi dhe punonjësit e Autostrade shpërndanë ujë për shoferët e mbetur në pritje.

Ndërkohë, zyra e prokurorit ka nisur një hetim për të përcaktuar arsyet pse automjeti u ndal në tunel, pavarësisht se afër kishte një hapësirë për ndalim emergjent.