Në vitin 1992, dy miq nga Wisconsin, Thomas Cook dhe Joseph Feeney, bënë një marrëveshje të thjeshtë: nëse ndonjëri prej tyre fitonte ndonjëherë lotarinë, do ta ndante çmimin me tjetrin. Pa kontratë, pa letra – vetëm një shtrëngim duarsh.
Plot gati 30 vite më vonë, Cook fitoi çmimin e madh prej 22 milionë dollarësh në Powerball… dhe mbajti fjalën! Ai ndau menjëherë shumën me mikun e tij të vjetër.
Të dy zgjodhën opsionin e pagesës në dorë, që ishte rreth 16.7 milionë dollarë, nga të cilat secili mori afro 5.7 milionë dollarë pas taksave.
Cook dha dorëheqjen nga puna pas fitores, ndërsa Feeney kishte dalë në pension më herët. Tani, dy shokët e vjetër po planifikojnë të udhëtojnë me familjet dhe të shijojnë jetën, duke treguar se ndonjëherë, një fjalë burrash vlen më shumë se çdo kontratë.
