Noteres Sanja Telhallarit i vjedhin vilën; 500 mijë euro cash, çanta dhe bizhuteri luksoze. Pse hesht SPAK-u?

Sanja Telhallari, e njohur për pasuri luksoze dhe falsifikime noteriale, përballet me hetime për pastrim parash dhe skandale familjare…

Noterja Sanja Telhallari, e njohur në qarqet mediatike dhe hetimore si “noterja e krimit dhe pastrimit të parave”, nuk po i ndahet telasheve. Pas tentativës për t’i vjedhur automjetin tip G-Class me vlerë 200 mijë euro dhe pas konflikteve të hapura të babait dhe vëllait të saj, Arjan dhe Lorenco Telhallari, me Lendi Palajn, një emër i njohur i rrjetit të llotove, Sanja Telhallari është përballur me një tjetër goditje: grabitjen e vilës së saj luksoze në “Rolling Hills”, me vlerë mbi 1.5 milionë euro.

Vila e vjedhur, e regjistruar në emra të personave të afërt për të fshehur pronësinë e vërtetë, është pjesë e dyshimeve për një skemë pastrimi parash.

Sipas burimeve të afërta me hetimin, autorët e vjedhjes duket se kishin informacion të detajuar për atë që ndodhej brenda: janë marrë mbi 500 mijë euro cash, ora luksoze të markave Rolex dhe Breitling, çanta të shtrenjta, bizhuteri dhe sende të tjera me vlerë qindra mijëra euro.

Të gjitha këto dyshohet se janë blerë me para të gjeneruara nga aktiviteti i paligjshëm i familjes Telhallari, përfshirë paratë me fajde, lojërat e fatit dhe transaksionet e dyshimta.

Pavarësisht indicieve të shumta për pasuri të pajustifikuar, noterja Sanja Telhallari vazhdon të operojë pa pengesa. Në Prokurorinë e Tiranës, çdo hetim ndaj saj është arkivuar në mënyrë të dyshimtë. Kjo është arsyeja pse kërkohet ndërhyrja e SPAK dhe Ministrit të Drejtësisë, Ulsi Manja, për të verifikuar:

· Sa kontrata noteriale ka firmosur Sanja Telhallari për persona që ndodheshin në burg apo në Dubai në momentin e nënshkrimit?

· Sa pasuri janë legalizuar me dokumente noteriale të falsifikuara?

· Cilat janë pasojat ekonomike dhe ligjore nga këto dokumente?

Gjithashtu, kërkohet të hetohet burimi i fondeve për pasuritë luksoze, makinat mbi 1 milion euro, udhëtimet jashtë vendit dhe pasuritë e tjera të fshehura në emrat e të ashtuquajturve “biznesmenë të besuar”, përfshirë një person të identifikuar si Sh. K.

Skandali është thelluar edhe më tej pas incidentit të ndodhur disa javë më parë, kur babai i noteres, 67-vjeçari Arjan Telhallari, u shfaq në rrugët e Tiranës me armë automatike, duke kanosur Lendi Palajn, pas një konflikti për kontrollin e llotove. Pavarësisht se u arrestua dhe akuzohet për “Kanosje me armë” dhe “Mbajtje pa leje të armës dhe municionit”, Telhallari u lirua pas 24 orësh nga prokurori D. P. dhe gjyqtari Sokol Shehu, me justifikimin se është “i moshuar”.

Lirimi i tij ka ngjallur reagim të gjerë publik, duke u konsideruar si shembull flagrant i ndikimit të noteres Sanja Telhallari në sistemin e drejtësisë. Pasi në këtë rast, një person i armatosur, që lëviz lirisht në rrugë dhe kërcënon me armë, lirohet brenda dy ditësh pa pasoja. Ky precedent rrezikon të legjitimojë shkelje të rënda të ligjit, duke vendosur një standard të rrezikshëm për shoqërinë dhe sistemin e drejtësisë.

Pamfleti do të vijojë ta ndjekë këtë çështje, deri në zbardhjen e plotë të dosjes dhe përgjegjësisë penale të të gjithë të implikuarve./Pamfleti

Related Posts

Shkrirja e akullit zbulon një sekret 6,000 vjeçar

Shkrirja e akullit alpin në Malet Shkëmbore ka çuar në zbulimin e një pylli me pisha të bardha 5,900-vjeçar. Mbi 30 pemë vlerësohet se janë gjetur nga…

Bashkëshortja e zhdυkur prej disa ditësh, policia arreston burrin e akυzuar për dh’υnë sistematike në familje

Tropojë, 26 korrik 2025 – Një rast i rëndë i dhunës në familje është zbardhur nga shërbimet e Policisë në Tropojë, pas hetimeve të thelluara të nisura…

Akuzohet se bashkëpunoi me vajzën për të m’bytur Anesti Ramën, del foto e Çlirim Doganit. Dyshime edhe për lidhje lNTlME mes tyre

Personi që shihni në foto është 55-vjeçari, Çlirim Dogani. 55-vjeçari është personi i tretë i vënë në pranga në lidhje me v’rasjen e Anesti Ramës në Fier….

Shtatë frutat me nivelin më të ulët të sheqerit që mund t’i hani sa të doni

Na thuhet kudo të reduktojmë sasinë e sheqerit! Ai industrial cilësohet nga ekspertët e shëndetit si helmi i bardhë, por sheqeri natyral kërkohet nga qelizat e të…

Mund të bëheni të pasur nëse e keni këtë monedhë, ja sa blihet nga koleksionistët

Një monedhë prej dy eurosh mund të vlejë më tepër sesa vlera e saj, disa prej tyre arrijnë çmime deri në 4.000 euro. Bëhet fjalë për një…

Rama me tjeter vendim te papritur, preket cdo shqiptar

Qeveria ka rikthyer sigurimin e detyrueshëm të banesave nga tërmetet, përmes një projektligji të ri të hedhur në konsultim publik nga Ministria e Financave. Ndryshe nga versioni…