Kryeministri Edi Rama nuk ka adresuar asnjë mesazh lidhur me situatën e rëndë nga zjarret në të gjithë territorin e vendit.
Disa zjarrfikës janë lënduar gjatë luftës me flakët në zonën e Mirditës, ndërsa në Delvinë, ku situata është edhe më dramatike, janë lënduar nga flakët dy shefat e Komisariatit të qytetit.
Megjithatë, pak çaste më parë, Rama ka vendosur të reklamojë në Facebook një aksion për heqjen e disa shezloneve nga Kepi i Rodonit.
Gjatë gjithë ditës së sotme Rama nuk e ka përmendur ende situatën e rëndë nga zjarret, qoftë edhe me një mesazh inkurajimi për qindra zjarrfikës që kanë vënë në rrezik jetën në luftën me flakët.
“Rikthejmë hapësirat publike për qytetarët dhe pushuesit, duke garantuar akses të barabartë dhe kushte dinjitoze për të gjithë”, shkruan Rama në rrjetet sociale.
