Detaje të reja janë zbardhur rreth aksidentit tragjik që ndodhi ditën e sotme në aksin Borsh-Plazh ku një çift bashkëshortësh humbën jetën pas përplasjes së furgonit të tyre me një fuoristradë.
Viktimat Kujtim Mehmeti, 60 vjeç, dhe bashkëshortja e tij, po udhëtonin me një furgon “Benz Vito”, kur u goditën “kokë më kokë” nga një fuoristradë tip “Benz”.
Dy personat që ndodheshin në fuoristradë, shoferi Myfit Qejvani dhe pasagjeri i tij, janë plagosur rëndë dhe ndodhen në spital, ku njëri është në gjendje kritike.
Sipas të dhënave paraprake, fuoristrada dyshohet se po lëvizte me rreth 200 km/h në krah të kundërt dhe pa asnjë tentativë frenimi.
Çifti i viktimave kishin shkuar në Borsh për të tregtuar peshk dhe ndodheshin në korsinë e tyre, me rripat e sigurimit të vendosur.
Policia ka nisur hetimet për zbardhjen e plotë të rrethanave.
