Një lodër argëtuese në zonën Al-Hada të Taifit, në Arabinë Saudite, ka pësuar defekt dhe është rrëzuar gjatë funksionimit, duke shkaktuar 23 të plagosur, mes tyre disa vajza të reja.
Sipas autoriteteve lokale, tre prej të plagosurve janë në gjendje kritike, ndërsa të tjerët kanë marrë dëmtime të ndryshme.
Ngjarja ka shkaktuar panik në vendin e ngjarjes, ku familjet ishin mbledhur për të kaluar mbrëmjen në parkun e njohur të lodrave në këtë zonë turistike malore. Autoritetet kanë nisur hetimet për të zbardhur shkaqet e aksidentit dhe për të verifikuar masat e sigurisë në objekt.
