Një rast i rëndë dhune ka ndodhur në ishullin Nidhra të Greqisë, ku Njazi Shehu ka dhunuar nënën e tij për një vit të tërë. Gjyshja ka arritur të shpëtojë dhe ka ardhur në Shqipëri me shenja të dukshme dhune, përfshirë goditje në fytyrë dhe kokë. Foto dhe video të siguruara nga familjarët, konkretisht nipi, tregojnë qartë abuzimin.

Ky rast ka shkaktuar revoltat e familjes, e cila e ka mohuar Njazin si pjesë të fisit pas kësaj ngjarjeje të rëndë. Pas zbulimit të dhunës, familjarët e gjyshes kanë kërkuar që ky rast të bëhet publik dhe që autori të mbajë përgjegjësi për veprimet e tij. Ata kërkojnë drejtësi dhe theksojnë rëndësinë e reagimit ndaj dhunës familjare, për të parandaluar raste të ngjashme në të ardhmen.

“Përshëndetje! Dua të denoncoj një rast pasi jam shumë i shqetësuar. Në ishullin Nidhra të Greqisë ndodhet një person që dhunon nënën e tij. Ka ardhur nëna e tij në Shqipëri me gjithë shenja, nga fytyra, nga trupi, krahët e pickuara. E kemi me fakte. I dhemb gjysma e kokës pasi e kishte goditur në kokë. Nuk e di por, t’ia bëjë djali nënës këtë nuk kisha parë. Dua të denoncoj këtë rast që të gjithë të ruhen nga ky person në ishullin ku ndodhet. Personi në fjalë quhet Njazi Shehu dhe është daja jonë, kemi lidhje gjaku me të, por që nga momenti kur ka ngritur dorë mbi nënën e tij e kemi mohuar të gjithë si fis. I gjithë fisi ka qarë për gjendjen e gjyshes se si erdhi në Shqipëri. Për një viti gjyshja jonë dhunohej vazhdimisht nga ai, ne nuk e dinim, sa e morëm vesh e sollëm në Shqipëri”, shkruan nipi i të dhunuarës.