Një ngjarje tragjike është regjistruar në Villadossola, në provincën Verbano-Cusio-Ossola të Italisë, ku një i ri shqiptar ka humbur jetën në vendin e punës.
Viktima është Pashtrik Krasniqi, 21 vjeç, me origjinë nga Kosova. Ai u godit fatalisht nga rryma elektrike teksa po punonte në një platformë në lartësinë prej gjashtë metrash.
Sipas raportimeve paraprake, ngjarja ndodhi gjatë procesit të çmontimit të skelave pas përfundimit të punimeve të rinovimit në një godinë. Dyshohet se i riu preku aksidentalisht një kabllo elektrike me pulpën e këmbës, çka rezultoi fatale për të.
Autoritetet italiane kanë nisur hetimet për të sqaruar plotësisht rrethanat e këtij aksidenti të rëndë në vendin e punës.
