Një qytetar ka ndarë me redaksinë e JOQ Albania një video që, sipas tij, tregon për një realitet të dhimbshëm me të cilin po përballet rinia në Kosovë. Ngjarja ka ndodhur në Prishtinë dhe shihet si pasqyrë e krizës së thellë sociale dhe morale që po prek të rinjtë sot.

Qytetari shprehet i shqetësuar për atë që ai e quan rënie të thellë të vlerave shoqërore dhe kërkon që prindërit, shkollat dhe institucionet të marrin përgjegjësitë e tyre për të trajtuar dhe parandaluar situata të tilla.

Sipas tij, qëllimi i publikimit të videos nuk është nxitja e dhunës apo e sensacionalizmit, por rritja e vetëdijes në shoqëri për pasojat që mund të sjellë neglizhenca institucionale dhe familjare.

Në fund, qytetari ka lënë këtë mesazh:

“Okay, e kam pa të arsyeshme me e ndarë me ju këtë pamje sepse ndjej keqardhje të madhe për çka po ndodh me rininë sot dhe për gjendjen ku ka ra shoqëria jonë. Mendoj që këto gjëra nuk guxojnë me u neglizhu dhe është e rëndësishme me u trajtu publikisht, me vetëdijësu prindërit, shkollat dhe institucionet. Nuk po e ndaj këtë video për me përhap dhunë, por për me ngritë vetëdijen e shoqërisë shqiptare, kosovare. Kjo ka ndodh dje në Prishtinë!”