Nga Ministria e Punëve të Brendshme njoftojnë se e kanë zbardhur tërësisht rastin e zhdukjes së 42-vjeçarit I.I. nga Kavadari, përcjell TV21. Sipas njoftimit të Policisë, 42-vjeçari ishte vrarë nga vëllai i tij 43 vjeç me iniciale S.I.

“Sot (06.08.2025), DPB-Kavadar ka dorëzuar kallëzim penal në Prokurorinë Themelore Publike Kavadar kundër S.I. (43) nga Kavadari, për shkak të dyshimeve të bazuara se ka kryer veprën penale “vrasje”, sipas nenit 123 të Kodit Penal. Ai dyshohet se më 27.07.2025, në shtëpinë familjare në Kavadar,

me një mjet metalik i ka shkaktuar plagë vëllait të tij I.I. (42) nga Kavadari, nga të cilat ai ka ndërruar jetë, dhe më pas trupin e tij e ka varrosur në një objekt ndihmës në oborrin e shtëpisë së përbashkët. Më konkretisht, dje (05.08.2025), motra e tyre V.O. (44) në orën 11:00 e ka raportuar në DPB Kavadar zhdukjen e vëllait të saj I.I..

Ndërsa në orën 13:00 ka raportuar se në objektin ndihmës në oborrin e shtëpisë së vëllezërve të saj, ku kishte shkuar me bashkëshortin, kishin vërejtur një gropë të mbuluar me dhe të lirshme, duke dyshuar se ndoshta vëllai i saj i zhdukur mund të ishte varrosur aty. Menjëherë pas raportimit, në vendin e ngjarjes dolën prokurori publik, zyrtarët policorë dhe përfaqësues nga Instituti i Mjekësisë Ligjore në Shkup, si dhe nga një kompani funerale u hap gropa dhe u gjet trupi i pajetë i I.I..

Me urdhër të prokurorit publik, trupi i të ndjerit u dërgua për autopsi dhe ekspertizë. Po atë ditë në orën 14:40, pas kontrolleve operative dhe marrjes së informacioneve dhe në koordinim me prokurorin publik, zyrtarët policorë e arrestuan S.I., të cilin më pas e dërguan në prokurori, ku gjatë bisedës zyrtare ai e pranoi veprën”, thuhet në njoftimin e Policisë, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE