Kryeministri Edi Rama ka reaguar ditën e sotme në lidhje me situatën e rënduar me të cilën po përballet vendi ynë, si pasojë e zjarreve.
Rama falënderon dhe shpreh mirënjohje për zjarrfikësit dhe të gjithë ekipet që po rrezikojnë jetën në tentativë për të shuar zjarret. Më tej, kryeministri shprehet se ata që ndezin zjarre qëllimisht, duhet të marrin dënimin më të rëndë sipas ligjit.
“Falenderim, respekt, mirënjohje me zemër për zjarrfikësit, forcat e ushtrisë, policinë, vullnetarët dhe banorët që po përballen me flakët, duke rrezikuar jetën për të mbrojtur njerëzit, shtëpitë dhe natyrën tone.
Ata që ndezin zjarre qëllimisht, shkatërrojnë pasurinë dhe rrezikojnë jetë, në këtë kohë të vështirë ngrohjeje globale dhe flakësh që po sfidojnë të gjitha shtetet e Mesdheut sidomos, duhet të marrin dënimin më të rëndë që parashikon ligji.”- shkruan Rama.
