Një episod sa humoristik aq dhe i pakëndshëm ka ndodhur sot në një restorant në Sarandë, ku një klient shtetas italian, i veshur me pantallona të shkurtra të zeza dhe me një çantë shpinekonsumoi drekë dhe ëmbëlsirë, e më pas u largua me vrap pa kryer pagesën.

Incidenti ndodhi në një moment kur stafi nuk e kishte nën vëzhgim. Menaxheri i lokalit e cilëson këtë veprim si të papranueshëm dhe të dëmshëm si për biznesin ashtu edhe për punonjësit./KLl.K0 V1DE0N ME P05HTÊ⤵

“U bëjmë thirrje të gjithëve të tregojnë korrektësi dhe respekt për punën e të tjerëve. Nëse dikush ka informacion lidhur me këtë person, ju lutemi të na kontaktoni privatisht,” apelojnë nga restoranti.
Autoritetet janë lajmëruar për ngjarjen, ndërsa bizneset e zonës paralajmërojnë për raste të ngjashme dhe u bëjnë thirrje qytetarëve të denoncojnë menjëherë.

Denoncimi i plotë:

“Sot, në restorantin tonë, një person (shtetas italian, mbante veshur pantallona të shkurtra të zeza “Icon” dhe një çantë shpine “Vans”) konsumoi drekë dhe ëmbëlsirë, dhe më pas u largua me vrap pa kryer pagesën, në një moment kur stafi nuk e kishte nën vëzhgim.

Ky veprim është i papranueshëm dhe i dëmshëm për biznesin dhe stafin tonë. U bëjmë thirrje të gjithëve të tregojnë korrektësi dhe respekt për punën e të tjerëve.

Nëse dikush ka informacion lidhur me këtë person, ju lutemi të na kontaktoni privatisht!”