Ish-banorët e “Big Brother VIP”, Laert Vasili, Françeska Murati, Rizarta Hoxha dhe Loredana Brati, kanë dhënë një intervistë për “Pushime On Top”.

Teksa po shijonin një xhiro në mes të detit, Eni Shehu i ngacmoi ata me disa pyetje. Kur moderatori i njohur u tha të zgjidhnin një person që të ngecnin për një muaj në një ishull, Franceska tha djalin e saj.

Murati shtoi duke qeshur se nuk do donte të ishte vetëm në një ishull me Laertin, as një ditë se do kishte shkalluar.

Pjesë nga intervista:

Eni: Imagjinoni pak tani ju në Sazan, zgjidhni vetë se me kë do donit të ngecnit aty, me një personazh që e njohim, një muaj. Një tjetër izolim se të katërt e keni bërë “Big Brother”. Dhe një tjetër që nuk doni t’i shihni sytë as për një ditë.

Françeska: Do doja të isha një muaj me djalin tim. Do ishte një gjë e bukur vetëm unë dhe ai të izoluar në ishull. Do ishte një eksperiencë shumë e bukur.

Eni: Kujt nuk do doje t’ia shihje bojën aty në ishull?

Françeska: Laertit. Një muaj me Laertin do kisha shkalluar

Eni: Një ditë

Franceska: Do kisha shkalluar. Ja një orë këtu e desh jemi kapur për fyti (qesh) .