Mediat greke raportojnë se projekti i shumëpërfolur i boshtit rrugor Janinë–Kakavijë ka hyrë tashmë në fazën e zbatimit dhe pritet të sjellë përfitime të mëdha për lëvizjen në rajon, përfshirë Shqipërinë.

Sipas raportimeve, ndërtimi i këtij segmenti 69.5 kilometra është pjesë e Rrjetit Trans-Evropian të Transportit (Orient East Med) dhe njëkohësisht i “Korridorit Blu”, një rrjet rrugor strategjik prej 1,500 kilometrash që lidh Triesten (Itali) me Kalamatën (Greqi), duke kaluar përgjatë brigjeve të Adriatikut dhe Jonit.

Që nga fundi i marsit, është disbursuar pagesa e parë prej 10.58 milionë eurosh, e cila mbulon furnizimet me materiale dhe makineri, shpenzimet për instalimet fillestare dhe kostot e tjera përgatitore. Punimet e para pritet të nisin së shpejti, ndërsa përfundimi i plotë i projektit parashikohet pak para fundit të vitit 2029.

Segmenti i ri rrugor është vazhdimësi e autostradës joniane, duke lidhur qytetin e Janinës me kufirin greko-shqiptar në Kakavijë. Projekti përfshin dy nën-seksione dhe synon të rrisë sigurinë rrugore, të shkurtojë kohën e udhëtimit, të lehtësojë aksesin në zona të izoluara të prefekturës së Janinës, si dhe të përmirësojë lidhjet me Shqipërinë dhe vende të tjera të Ballkanit Jugperëndimor.

Mediat greke theksojnë se pas dekadash diskutimesh, tashmë projekti ka hyrë realisht në shinat e zbatimit, duke u konsideruar si një nga investimet më të rëndësishme infrastrukturore të rajonit, do t’iu jemi mirenjohes nese do te na ndihmonit që të mirmbajmë faqen vetëm duke shtypur(mbi foton) që ndodhet më poshtë.Faleminderit për mirkuptimin SHQIPE