Ka ndërruar jetë një prej të plagosurve nga aksidenti në aksin rrugor Shkodër Bushat ku një makinë u përplas me një kamion.
Raportohet se viktima, identiteti i të cilit nuk dihet ende, nuk ka arritur t’i mbijetojë plagëve të rënda që kishte marrë.
Dy të plagosurit e tjerë po marrin mjekim në spitalin e Shkodrës dhe po ashtu ndodhen në gjendje të rëndë për jetën.
Mësohet se një kamion është përplasur me një makinë në kryqëzimin e Kryebushatit paraditen e sotme (18 Gusht).
Nga aksidenti mbetën të plagosur rëndë 3 persona, të cilët u dërguar drejt spitalit të Shkodrës, por njëri prej tyre s’mund të mbijetojë.
Në vendngjarje shkuan forcat e policisë dhe kanë nisur hetimet për shkaqet e këtij aksidenti rrugor.
