SHBA është tronditur nga historia e Rebekës, një 10-vjeçare nga Arizona, e cila ndërroi jetë pas një periudhe të gjatë abuzimesh brutale nga babai i saj, Richard Daniel Baptiste, 32 vjeç, dhe partnerja e tij, Anisia Woods, 29 vjeç.

Sipas raportit policor, vogëlushja ishte kequshqyer, e mbuluar me mavijosje dhe kishte trauma të rënda në kokë, ndërsa mjekët përshkruan gjendjen e saj si “torturë e tmerrshme”. Rebeka kishte tentuar disa herë të arratisej, madje ishte hedhur nga dritarja e katit të dytë për t’i shpëtuar dhunës.

Më 27 korrik, ajo u gjet pa ndjenja në një autostradë në Holbrook dhe pas tre ditësh ndërroi jetë në Spitalin e Fëmijëve Phoenix.

Hetimet kanë zbuluar se shkolla ku mësonte kishte raportuar plot 12 herë Shërbimeve Mbrojtëse të Fëmijëve për shenja të abuzimit, por autoritetet kryen vetëm pesë verifikime dhe vetëm një çoi në hetim. Në shtëpi, fëmijët jetonin në një tendë pa energji elektrike, lahesin me gota plastike dhe ndëshkoheshin në mënyra çnjerëzore.

Babai dhe partnerja e tij janë arrestuar dhe përballen me akuza për vrasje të shkallës së parë, rrëmbim dhe abuzim të fëmijëve, ndërsa dy vëllezërit dhe motrat e Rebekës ndodhen tashmë nën kujdesin e shtetit. Familja e saj e përshkruan si një “shpirt të ndritur” që u shua tragjikisht nga neglizhenca e institucioneve,