Shpesh i njohim të tjerët nga virtytet e tyre, por në horoskop ka gjithashtu një anë tjetër, më e errët: ajo e dobësive dhe “mëkateve” që secila shenjë mbart. Çdo shenjë ka një tipar të fortë që, nëse del jashtë kontrollit, shndërrohet në gabimin më të madh të saj. A e imagjinoni cili është i juaji? Ja lista e plotë:

Shenjat e horoskopit nuk tregojnë vetëm për tiparet tona pozitive, por shpesh zbulojnë edhe anën e errët të karakterit.

Çdo shenjë mbart një “dobësi” që në shumë raste kthehet në mëkatin e saj më të madh.

Më poshtë do të gjeni cilësia që ju tradhton më shumë sipas shenjës suaj.

♈ Dashi – Zemërimi

Dashët janë të paduruar dhe impulsivë nga natyra. Mund të shpërthejnë lehtësisht dhe kur kjo ndodh, sjellja e tyre bëhet e paparashikueshme. Zemërimi i tyre shpesh manifestohet me fjalë të rënda që dalin pa menduar, të cilat më pas i pendohen. Por dëmi shpesh është bërë: marrëdhëniet tensionohen, të afërmit lëndohen. Ky mëkat i tyre buron nga dëshira për të reaguar menjëherë dhe për të mos toleruar asgjë që u duket e padrejtë.

♉ Demi – Teprimi

Demi ka prirje ta dojë gjithçka me shumicë. Ushqim, dashuri, para, kënaqësi – çdo gjë kthehet në një garë për të pasur më shumë. Kjo tepri shpesh i pengon të gjejnë ekuilibrin dhe i çon drejt humbjes më shumë sesa fitimit. Ata harrojnë se nganjëherë “më pak është më shumë”. Kjo dëshirë e pakontrolluar për tepricë shndërrohet në pengesë serioze për stabilitetin e tyre emocional dhe financiar.

♊ Binjakët – Gënjeshtra

Binjakët njihen për zgjuarsinë e tyre, por edhe për prirjen për të treguar versione të ndryshme të të njëjtës histori. Për t’i shpëtuar problemeve, shpesh përdorin të pavërteta të vogla ose lënë boshllëqe në tregimin e tyre. Kjo sjell pasiguri tek ata që i rrethojnë, sepse askush nuk është i sigurt nëse duhet t’u besojë plotësisht. Gënjeshtra e tyre nuk vjen gjithmonë nga qëllim i keq, por nga dëshira për t’u dukur më mirë apo për të shmangur përgjegjësinë.

♋ Gaforrja – Empatia e ekzagjeruar

Gaforret kanë një zemër të madhe dhe një ndjeshmëri të theksuar. Kur e duan dikë, japin gjithçka. Shpesh i kthejnë ëndrrat e të tjerëve në prioritetet e tyre, duke sakrifikuar dëshirat personale. Problemi është se shumë herë përpjekjet e tyre nuk vlerësohen, duke i lënë të lënduar e të zhgënjyer. Mëkati i tyre i madh është se nuk vendosin kufij dhe përfundojnë duke humbur veten në përpjekjen për t’u kujdesur për të tjerët.

♌ Luani – Krenaria

Luani është shpesh në prag të narcisizmit. E shohin veten si qendër të gjithçkaje dhe shpesh sillen me arrogancë. Egoja e lartë dhe nevoja për të dominuar mund të dëmtojë marrëdhëniet e tyre. Në vend që të pranojnë gabimet, ata shpesh zgjedhin krenarinë, duke e bërë të vështirë për këdo të qëndrojë gjatë pranë tyre. Kjo vetëbesim i tepruar, i kombinuar me mungesën e përulësisë, është “mëkati” që i izolon.

♍ Virgjëresha – Zilia

Virgjëreshat janë perfeksioniste, por shpesh preken nga zilia. Shikojnë çfarë kanë të tjerët dhe e krahasojnë me veten, duke u bërë të pakënaqura me atë që kanë arritur. Në marrëdhënie, kjo zili shfaqet si mungesë sigurie dhe si dëshirë për të kontrolluar gjithçka. Ky “mëkat” i bën të humbin qetësinë dhe të vështirësojnë rrugën drejt objektivave të tyre të mëdha.

♎ Peshorja – Kotësia

Peshoret e duan bukurinë dhe vlerësimin. Ata shpesh mendojnë se pamja e tyre e jashtme do t’u hapë të gjitha dyert, edhe pa përpjekje të mëdha. Përqendrimi i tepërt tek estetika dhe pamja i pengon të shohin realitetin. Kur bukuria nuk mjafton, zhgënjimi bëhet i madh. Mëkati i tyre është kotësia e tepruar, që i mban të mbërthyer në një botë iluzionesh.

♏ Akrepi – Hakmarrja

Akrepat janë të zjarrtë dhe të pasionuar, por gjithashtu nuk durojnë të humbasin. Kur lëndohen apo ndihen të tradhtuar, hakmarrja bëhet mënyra e tyre për të marrë “drejtësi”. Ky është mëkati i tyre më i madh: një impuls shkatërrues që i bën të humbasin qartësinë dhe i vendos në situata të rrezikshme. Në vend të faljes, ata shpesh zgjedhin ndëshkimin.

♐ Shigjetari – Pabesia

Shigjetarët janë aventurierë dhe flirtues. Ata duan lirinë dhe e kanë të vështirë të kufizohen vetëm tek një person. Edhe kur e duan partnerin, ata ndihen të tërhequr nga vëmendja e të tjerëve. Shpesh nuk bëhet fjalë për tradhti fizike, por për një lojë të vazhdueshme flirti dhe vështrimesh që lë pasiguri dhe xhelozi. Ky është mëkati i tyre i madh: paaftësia për të qëndruar plotësisht besnikë.

♑ Bricjapi – Lakmia

Ambicia e Bricjapit është e jashtëzakonshme. Ata janë gati të sakrifikojnë gjithçka për të arritur suksesin. Problemi është se kjo vendosmëri shpesh shndërrohet në lakmi. Ata humbin kufirin mes përpjekjes së shëndetshme dhe dëshirës së sëmurë për pushtet dhe fitim. Ky mëkat i shtyn të rrezikojnë shëndetin emocional dhe marrëdhëniet personale.

♒ Ujori – Arroganca

Ujorët e shohin veten si unikë dhe të veçantë. Kjo shpesh i çon në arrogancë: i trajtojnë të tjerët me indiferencë, duke i vlerësuar vetëm sipas interesave personale. Por jeta ka mënyrën e vet për t’i ulur me këmbë në tokë. Mëkati i tyre është arroganca, e cila i largon nga njerëzit që i duan dhe i bën të duken të ftohtë e të paarritshëm.

♓ Peshqit – Dembelizmi

Peshqit janë ëndërrimtarë dhe të qetë, por shpesh bien në grackën e përtacisë. Ata preferojnë t’u lënë të tjerëve përgjegjësitë dhe shmangin sfidat. Ky dembelizëm i bën të humbin shumë mundësi të mira në jetë. Në moment ndihen rehat, por në të ardhmen rrezikojnë të pendohen për shanset e humbura. /noa.al