Një qytetar ka arritur të filmojë një moment magjik dhe të frikshëm njëkohësisht, teksa një rrufe godet antenat në malin e Dajtit, në Tiranë.
Pasi ka pritur me durim për disa sekonda, momenti që ai kërkonte ndodhi, duke kapur në video një goditje spektakolare. Videoja, e dërguar në redaksinë e JOQ Albania, shërben si dëshmi e fuqisë së jashtëzakonshme të natyrës.
Kujtojmë këtu se vendi ynë u përfshi pasditen e sotme nga një stuhi e fuqishme tropikale që shkaktoi dëme masive. Ajo u shoqërua me reshje intensive, erëra të forta dhe përmbytje në shumë zona, përfshirë Tiranën, Durrësin dhe Vlorën.
Sipas raportimeve, 20 persona janë lënduar si pasojë e stuhisë, ndërsa autoritetet kanë bërë thirrje për kujdes të shtuar. Sinoptikanët parashikojnë që stuhia të arrijë kulmin gjatë natës dhe të vazhdojë me intensitet të ulët deri të mërkurën.
