Në emisionin “Vizioni i pasdites”, historiania Nevila Nika dhe përfaqësuesja e Gjendjes Civile Doroleza Rrapollari folën për fenomenin e emrave që shqiptarët zgjedhin për fëmijët e tyre.
Krahas emrave të bukur e kuptimplotë, në regjistrat shqiptarë gjenden edhe raste të pazakonta, të cilat sot janë futur në listën e emrave të ndaluar. Disa prej tyre janë: Ushtar, Qytet, Shëndet, Arrestime, Mizore, Rrufe, Sose, Mbarime, Varreza, Govate, Sumbull.
Sipas dy të ftuarave, një emër është më shumë se identitet ligjor – ai shoqëron individin gjithë jetën dhe ndikon në marrëdhëniet e tij shoqërore. Për këtë arsye, Drejtoria e Gjendjes Civile ka vendosur filtra ligjorë për të shmangur zgjedhje absurde.
Megjithatë, përgjegjësia kryesore mbetet tek prindërit, të cilët duhet të jenë të vetëdijshëm se emri është pasaporta e parë dhe më e rëndësishme e fëmijës së tyre,
