Një lajm tronditës ka ardhur dje nga Uashingtoni dhe pritet të ndezë politikën shqiptare si kurrë më parë. Pas muajsh të tërë heshtjeje dhe distancimi, Shtetet e Bashkuara të Amerikës janë rikthyer fuqishëm në skenë. Departamenti Amerikan i Shtetit ka thirrur në takim urgjent kreun e Prokurorisë së Posaçme (SPAK), Altin Dumanin, duke dhënë sinjalin më të fortë deri më sot se: lufta kundër krimit të organizuar, korrupsionit dhe politikanëve të zhytur në afera në Shqipëri nuk ka mbaruar, por sapo ka hyrë në një fazë të re.

Sipas njoftimit zyrtar të DASH, kryeprokurori special Dumani është pritur dje në orën 16:30 (ora lokale) nga Zyrtari i Lartë i Byrosë për Çështjet Evropiane dhe Euroaziatike, Brendan P. Hanrahan. Ky takim, që nuk është as ceremonial e as thjesht formal, shihet si një mesazh i drejtpërdrejtë për Tiranën: “SPAK nuk është vetëm – SHBA është rikthyer fuqishëm për të mbështetur drejtësinë shqiptare”.

Ndërkohë burime diplomatike theksojnë se ftesa për Dumanin është preludi i një “sezone zjarri” për krimin dhe korrupsionin në Shqipëri. Në lojë futet edhe urdhri ekzekutiv i janarit 2025 i Presidentit Trump, i cili kategorizon trafikantët e drogës dhe rrjetet e tyre financiare si “terroristë ndërkombëtarë”.

Kjo do të thotë se baronët e drogës e krimit dhe mbrojtësit e tyre politikë do të goditen jo vetëm nga drejtësia shqiptare, por edhe nga sanksione të forta amerikane. Dhe këto tre muaj që Dumani do të jetë në krye të SPAK, pasi në dhjetori i mbaron mandati, duket se do të jenë “ditë ferri e zjarri” për terroristët e drogës dhe të korruptuarit. Aktualisht përveç ish-kryeministrit Sali Berisha, ish-presidentit Ilir Meta dhe kryebashkiakut të Tiranës, Erion Veliaj, që po hetohen nga Prokuroria e Posaçme, në listë janë përmendur emra të bujshëm: nga dosjet e korrupsionit ku shfaqen ministrat dhe zyrtarët e lartë si Belinda Balluku, Taulant Balla, Arbjan Mazniku, Frida Krifca, deri tek dyshimet e rënda që rëndojnë mbi vetë kryeministrin Edi Rama, i cili akuzohet se është i përfshirë në përgjime të “SKY ECC” dhe ka pasur kontakte të dyshimta me bosë të drogës dhe krimit të organizuar.

Por prania e Dumanit në DASH, është një kambanë alarmi për të gjithë klasën politike, se, nuk ka më të paprekshëm. SOT.COM.AL