Zyrtarët e shëndetësisë në Japoni kanë dhënë alarmin për shpërthimin rekord të një sëmundjeje të përhapur nga rriqrat (këpushat), e cila ka çuar tashmë në vdekjen e më shumë se 10 personave në vitin 2025 dhe është rikthyer frikshëm.

Siç raportohet nga mediat, deri në mesin e gushtit, 135 persona në Japoni ishin diagnostikuar me Sindromën e Etheve të Rënda me Trombocitopeni, ose SFTS, një sëmundje potencialisht fatale që transmetohet nga rriqrat. Kjo tejkalon rekordin e mëparshëm prej 134 rastesh vjetore në vitin 2023.

Për të kuptuar më shumë se për çfarë virusi bëhet fjalë dhe se a rrezikohet Shqipëria nga infektimi me këtë virus, i ftuar në një intervistë në “Ora Neës”, mjeku infeksionit Erion Dasho dha detaje mbi këtë çështje.

“Kjo është një sëmundje që shkaktohet nga ethet hemorragjike dhe është një sëmundje që është shfaqur relativisht vonë dhe virusi vetë është izoluar në vitin 2009.

Ky është një virus që qarkullon tek kafshët dhe nëpërmjet rriqrave apo këpushave për kalimin nga bartësi që është kafsha tek njeriu.

Për shkak të karakteristikave që ka kjo si sëmundje që transmetohet përmes rriqrave është një sëmundje që shkaktohet në fund të pranverës arrin në një pikë gjatë stinës së verës dhe vazhdon edhe në vjeshtë.

Është një sëmundje që shkakton një vdekshmëri shumë të lartë nga 10 – 30 për qind”, u shpreh ndër të tjera Dasho.

Por sa rrezikohet Shqipëria nga ky virus?

“Rastet janë të kufizuara në Kinën, Kore dhe Japoni, ndërsa për Shqipërinë rreziku është inekzistent”, u shpreh mjeku Erion Dasho,