🔹 ME P05HTÊ⤵
Të paktën 15 persona kanë humbur jetën në një aksident tragjik rrugor në Gadishullin e Jukatanit, në Meksikë. Një kamion që transportonte punëtorë u përplas me një taksi dhe një makinë tjetër në autostradën që lidh qytetet Merida dhe Campeche.

Përplasja e fuqishme bëri që kamioni të shpërthente në flakë, duke u kthyer në një top zjarri që shkrumboi automjetet dhe viktimat që ndodheshin brenda. Pamje të rënda nga vendngjarja tregojnë mjetet e djegura dhe tym të dendur që ngrihej mbi rrugë.

Tre persona u shpëtuan të gjallë dhe u dërguan me urgjencë në spital, ndërsa autoritetet ende nuk kanë bërë të ditur identitetin e viktimave.

Zjarrfikësit, ambulanca dhe forcat e rendit ndërhynë menjëherë për të lokalizuar flakët dhe për të ndihmuar të mbijetuarit, ndërsa Garda Kombëtare dhe ekipet mjeko-ligjore po hetojnë shkaqet e aksidentit, që konsiderohet si më i rëndi në 50 vitet e fundit në rajon.

Guvernatori i Jukatanit shprehu ngushëllime për familjet e viktimave dhe u zotua se të gjitha strukturat e emergjencës po punojnë për të menaxhuar situatën./TheSun,