Prej disa ditësh, banorët e disa lagjeve në Tiranë po përballen me mungesën e ujit në çezmat e tyre. Në mes të kryeqytetit, pranë sheshit “Wilson”, një qytetare që jeton në rrugën “Abdyl Frashëri” rrëfen përmes një videoje shqetësimin e madh të saj dhe të fqinjëve.

Ajo tregon se që nga mëngjesi i së shtunës, e deri sot që është e hënë, në rubinetat e tyre nuk ka ardhur asnjë pikë ujë. Për të përballuar këtë situatë absurde, banorët detyrohen të blejnë bidona, jo vetëm për gatim apo pastrim, por edhe për nevojat më bazike, si përdorimi i tualetit.

“Po blejmë ujin për të përdorur tualetit. Jemi në rrugën Abdyl Frashëri, sheshi Ëillson, në mes të Tiranës dhe uji nuk ka ardhur që të shtunën në mëngjes,” shkruan ajo.

Banorët kërkojnë një shpjegim dhe mbi të gjitha një zgjidhje urgjente, pasi kjo situatë po e bën të vështirë përballimin e jetesës së përditshme, në një zonë që konsiderohet ndër më qendrore e më të frekuentuara të kryeqytetit.