Jozefina Topalli ka martuar djalin në një ceremoni luksoze zhvilluar në Vila Miani, një kështjellë nga ku shihet gjithë Roma. Vetëm marrja me qira e vilës kushton rreth 100 mijë euro. Mbi 150 mijë euro ka kushtuar velloja. Dhjetëra mijëra euro ka marrë grupi i këngëtareve.

Organizimi, bileta avioni, cermonitë shtesë dhe salltanete të tjera, rezervim në hotele, veshje, makina me qera, ushqim katering etj., sipas një burimi të brendshëm, kanë kushtuar mbi 800 mijë euro. Në total, dasma e djalit të Topallit, ku si të ardhura kanë vetëm pagat, ka kushtuar mbi 1 milionë euro.

Në pamjet e rezervuara që kanë dalë nga dasma bie në sy prania e Argita Berishës dhe Flamur Nokës. Ndërsa më e shkujdesur në prezencën e saj Floriana Garo, me një fustan të gjelbër ka bërë tag dhe vilën ku zhvillohet dasma.

Edhe pse duket sikur dasma ka qene private fakti që janë ftuar personazhe të show bizz tregon se organizatorët e dasmës kanë qenë të interesuar për bërjen e saj publike.

Bie në sy prania e këngëtares Manjola Nallbani dhe Orgesa Zaimi, balerinës Enada Hoxha, gazetarit të kronikës rozë Eraldo Rexho dhe drejtorit të programacionit në TV Klan Albert Dumani.

Një rezervim normal kushton rreth 100 mijë euro pa përfshirë shpenzimet për të ftuarit, ushqimin, muzikën dhe spektaklin argëtues për dasmorët.

Djali i zonjës Topalli martohet me vajzën e një familje emigrantësh shqiptarë në SHBA që nuk janë të pasur kështu që barra e shpenzimeve i ka rënë zonjës Topalli.

Kjo është dasma e dytë luksoze e opozitës që kushton qindra mijëra euro në Itali. E para ka qenë ajo e Shkëlzen Berishës me Armina Mevlanin në një kështjellë edhe më të shtrenjtë në veri të Italisë tre vjet më parë.