Kryeministri Edi Rama ka reaguar mëngjesin e sotëm në rrjetet sociale, në prag të Konferencës së 6-të Ndërqeveritare mes Shqipërisë dhe Bashkimit Evropian që zhvillohet në Bruksel.
Sot presim të hapim edhe katër kapituj të tjerë të negociatave për anëtarësim në BE, që i shtohen 24 kapitujve të hapur në vetëm 11 muaj, një ritëm rekord,” shkruan Rama, duke e shoqëruar mesazhin me një urim për një ditë të mbarë.
Shqipëria pritet të hapë negociatat për kapitujt që përfshihen në Grupin 4: “Agjenda e Gjelbër dhe Lidhshmëria e Qëndrueshme”, që përfshin fushat e energjisë, transportit, mjedisit dhe rrjeteve transevropiane,
