Në qytetin e Durrësit janë shënuar disa ngjarje të ndryshme në orët e fundit, që kanë çuar në arrestime dhe procedime penale.

Një 19-vjeçar u ndalua pasi theu masën e sigurisë “arrest në shtëpi”. Ndërkohë, një 16-vjeçar po procedohet në gjendje të lirë për përfshirje në bastet sportive.

Po ashtu, një 61-vjeçar u arrestua pasi shkaktoi një aksident rrugor duke drejtuar autobusin në gjendje të dehur.

Specialistët për Hetimin e Krimeve të Komisariatit të Policisë Durrës:

-kapën dhe ndaluan shtetasin I. B., 19 vjeç, banues në Durrës, pasi ka thyer masën e sigurisë “Arrest në shtëpi”, që i kishte caktuar Gjykata, duke dalë nga banesa;
-referuan materialet në Prokurori, ku nisi procedimi në gjendje të lirë për një shtetas 16 vjeç, banues në Durrës, pasi gjatë këqyrjes së celularit të tij, u konstatua e hapur një faqe për baste sportive.

Specialistët e Qarkullimit Rrugor arrestuan në flagrancë shtetasin V. Ll., 61 vjeç, banues në Durrës, pasi dje, në rrugën “Adria”, autobusi që drejtonte në gjendje të dehur është përplasur me një automjet. Nga aksidenti janë shkaktuar vetëm dëme materiale.

Materialet u referuan në Prokurorinë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.