Pacientët me kancer të gjirit dhe që trajtohen te Onkologjiku në QSUT, po përballen me mungesën e një ilaçi jetik, Phesgo, i cili përdoret për parandalimin e rikthimit të sëmundjes.

Pacientët kanë konfirmuar për JOQ se ky medikament mungon prej të paktën dhjetë ditësh dhe nuk ka asnjë informacion zyrtar mbi datën e rifurnizimit. Ato thonë se ky medikament bën pjesë në trajtimin periodik dhe shumë prej tyre janë të detyruara të marrin dozën çdo muaj.

Sipas tyre, mungesa e ilaçit jo vetëm që po pengon vazhdimësinë e trajtimit, por po shkakton edhe shqetësim të madh emocional, pasi blerja e Phesgo jashtë sistemit publik është e pamundur për shumicën, për shkak të kostos shumë të lartë dhe mungesës në farmaci.

Duhet thënë se kjo nuk është hera e parë që mungesa e ilaçeve rrezikon jetën e pacientëve në vendin tonë duke i lënë ata në udhëkryq dhe pa asnjë zgjidhje. Pacientët dhe familjarët kërkojnë ndërhyrje urgjente për zgjidhjen e situatës pasi vonesat e vazhdueshme vetëm sa rrezikojnë edhe më tepër jetën e pacientëve.

Denoncimi 1:

“Pershendetje jeta osht qef kam operuar mamin nga kanceri i gjirit dhe duhet te bej nje gjilper cdo muaj per parandalimin e zhvillimit te kancerit. Shkuam te bejme gjilperen sot na thane qe eshte ne munges nuk e dime kur vjen furnizimi. Gjilpera eshte jetike per pacientet me kete lloj diagnoze. Emri i gjilperes eshte Phesgo tek qsut onkologjiku. Po kushton shum shtrejt me sa me kan then Nuk ka as ne farmaci”

Denoncimi 2:

“Pershendetje te lutem mundesh te besh nje thirrje per ne pacientet e Onkologjikut gje e cila po na sikletos dhe na shqeteson per mungese te njerit ilac, phezgo eshte mungese ka 10 dit qe mungon dhe po presim ,presim ,presim. Kushton shuuum. Un e i kam bere dozat ne shtet por ka dy jave mungese. Kjo esht doza e 17 qe duhet ta beja”