Një shpërthim i fuqishëm tritoli ka tro nditur lagjen “Gafur Muço” në orët e para të mëngjesit në Lushnjë. Objektivi ishte banesa e Shaqe Gjatës, nëna e Klea Gjatës, ish-partneres së një emri të njohur të botës së krimit, Laert Haxhiut.

Ngjarja shihet si një paralajmërim i drejtpërdrejtë për Klean, pas një konflikti të ashpër që ka shpërthyer mes saj dhe Haxhiut. Kriza mes tyre nisi pasi u përhap lajmi se Haxhiu kishte nisur të frekuentonte modelen kosovare Zize Pajaziti përmes takimeve speciale. Ky fakt çoi në ndarjen përfundimtare të Kleas nga Haxhiu dhe tensionet mes tyre u intensifikuan, duke u kthyer në përplasje të hapura dhe kërcënime.

Shpërthimi pranë shtëpisë së nënës së Kleas shihet si një nga format e zakonshme të “mesazheve” që përdoren në botën e krimit për të ushtruar presion mbi individët. Ky incident vjen vetëm një ditë pasi autoritetet e burgut të Drenovës sekuestruan një celular të futur në mënyrë të paligjshme, një detaj që po hetohet si lidhje e mundshme me ngjarjen e mbrëmshme.

Historia e Kleas dhe Haxhiut ka qenë gjithmonë e ndjekur nga publiku. Ajo u bë e njohur si partnerja besnike e Haxhiut, sidomos pas dëshmisë së penduar të Artan Tafanit, i cili zbuloi disa nga krimet e kryera nga banda e Elbasanit. Sot, marrëdhënia e dikurshme është kthyer në një konflikt që duket se nuk njeh kufij, duke lënë pas një gjurmë të qartë hakmarrjeje dhe tensioni në Lushnjë.

Lajmi i përket TVA NEWS!