Në një aksion të befasishëm që ka lënë “me gojë hapur” banorët e një lagje në Shkodër, policia ka bërë shoqërimin e një personi me “rrezikshmëri” të lartë, i cili në momentin e ndalimit ishte duke izoluar vrimat e soletës për të parandaluar ujin e shiut që t’i hynte në dyqan.

Nga pamjet që JOQ Albania ka siguruar, duke momenti kur disa efektivë të policisë kanë shkuar në vendin e ngjarjes, dhe i kanë kërkuar qytetarit që të zbresë nga tarraca, pasi duhet që ta shoqëronin.

Një i pranishëm nuk ka nguruar që të ironizojë policinë e Shkodrës, e cila me zor zbardh ngjarjet kriminale, duke thënë: Shiko çfarë bëhet o vëlla. I pikon shtëpia, vijnë e marrin këta.

Pamjet janë të qarta! Qytetari nuk ka bërë rezistencë dhe është futur vetë në automjetin e policisë.

Nëse i njëjti vrull pune do të zbatohej dhe për ngjarjet kriminale që trondisin Shkodrën herë pas here, shumë prej tyre sot do të ishin zbardhur, dhe autorët do të gjendeshin më parë nga Policia se sa nga kundërshtarët e tyre.

“Shoqërohet në polici qytetari në Shkodër, sepse po riparonte tarracën pasi i fuste ujë në dyqan,” shkruan një qytetar që dërgon pamjet.