KLOS, 5 tetor 2025 – Rreth orës 18:15, në Fshat të Klosit, janë përplasur dy automjete me drejtues shtetasit D.K. dhe F.B. Si pasojë e përplasjes, katër pasagjerë që udhëtonin me automjetin e D.K. kanë mbetur të lënduar. Viktimat po marrin ndihmë mjekësore në spital dhe ndodhen jashtë rrezikut për jetën.
Në vendngjarje ndodhen forcat e policisë dhe grupi hetimor, të cilët po punojnë për zbardhjen e plotë të rrethanave të aksidentit. Ende nuk janë bërë të ditura detaje shtesë mbi identitetin e drejtuesve të automjeteve apo shkaqet që çuan në përplasjen e tyre.
