“E hëna dita më e ftohtë e javës”/ Meteorologia Lajda Porja zbulon kur rikthehen reshjet e shiut dhe dëborës
Orë të gjata me diell, vranësira kalimtare dhe ngrohtë, kështu i parashikojnë kushtet e motit në fundjavë sinoptikanët.
“E shtuna dhe e diela do të kenë shumë më tepër diell, sidomos bregdeti dhe zonat e ulëta do të jenë kryesisht me intervale të gjata me kthjellime, vranësira të lehta dhe kalimtare. Në zonat malore, në fakt nuk pritet që të ketë reshje për sa i përket gjatë këtyre tre ditëve”, tha meteorologia Lajda Porja.
Pavarësisht mëngjeseve dhe mbrëmjeve më të freskëta, temperaturat në pasditë parashikohen të ngjiten deri në 28 gradë Celsius.
