Trajneri i Kombëtares Shqiptare, Sylvinho, ka dhënë një përgjigje me ironi dhe domethënëse gjatë konferencës për shtyp, pasi u pyet nga një gazetar serb në lidhje me festimin e golit të Rei Manajt me gjestin e shqiponjës.
Fitorja historike 0-1 ndaj Serbisë ka ngritur në maksimum emocionet, por edhe tensionet. Festimi i Rei Manajt me shqiponjën dykrenare pas shënimit të golit u ndëshkua me karton të verdhë, por njëkohësisht ngjalli irritim te pala serbe.
Gjatë konferencës për shtyp, një gazetar serb e pyeti trajnerin Sylvinho për këtë festim. Trajneri kuqezi, i cili tashmë përfaqëson me dinjitet ngjyrat kuqezi, zgjodhi t’i përgjigjej pyetjes në një mënyrë të papritur.
Përgjigjja e tij e parë ishte thjesht një fjalë në shqip: “Përshëndetje!”
Kjo përgjigje e shkurtër dhe ironike e Sylvinhos u interpretua menjëherë si një mënyrë për t’i treguar gazetarëve se, pavarësisht terrenit kundërshtar, mbrëmë në Serbi flitej shqip, duke i dhënë fund pyetjes provokuese.
Kapiteni i Kombëtares, Berat Gjimshiti, foli pas suksesit madhështor që kuqezinjtë arritën në transfertë ndaj Serbisë mbrëmjen e djeshme.
Në prononcimin e dhënë pas ndeshjes, Gjimshiti zbuloi se bashkëshortja serbe e uroi menjëherë pas ndeshjes.
“Emocionet para ndeshjes kanë qenë të shumta. Kam bërë eksperiencë në jëtën e futbollit, di si të përballoj presionin. Unë e kam shumë afër nga shtëpia e gjyshërve. Akoma nuk e kemi realizuar ëndrrën siç duhet, emocionet janë të mëdha. Nga e gjithë bota na kanë ndjekur, i kemi bërë të lumtur.
Duhet të kesh kualitet për të luajtur në këto nivele. Unë e njoh Ajetin që 15-vjeç, kemi luajtur edhe te Zvicra. Vendosëm të dy të luanim për Shqipërinë, më shumë se 10 vite që po luajmë bashkë këtu. Gjithë ekipi ka meritë, të gjithë luftuam, dhamë gjithçka në fushë. Ishte arritje e madhe.
Kam marrë shumë mesazhe, nuk i kam parë ende të gjitha. Bashkëshortja dhe familja janë më të rëndësishmet,” u shpreh ai.
Shqipëria mori tre pikë mbrëmjen e djeshme në përballjen ndaj Serbisë, e cila u mposht me rezultatin 0-1 në shtëpinë e saj.
