Akt-ekspertiza e dytë ndërkombëtare, e kryer në Itali, mbi shkakun e vdekjes së 3-vjeçarit Brian Spahiu, ka mbërritur në Shqipëri dhe ka konfirmuar dyshimet e para, duke i dhënë babait, Bledar Spahiu, një shpjegim të tmerrshëm: fëmija humbi jetën si pasojë e anestezisë së tepërt.

Brian Spahiu humbi jetën tragjikisht në tetor 2023, dy ditë pas një ndërhyrjeje dentare me anestezi të përgjithshme në klinikën private “Splendent”.

Prindi Spahiu, i cili prej dy vitesh kërkon drejtësi, zbuloi përmbajtjen e ekspertizës: “Ekspertiza e dytë e kryer në Itali mbi shkakun e vdekjes së djalit tim është e tmerrshme. Shkaku i humbjes së jetës është anestezia e tepërt. […] Jam i shokuar sa herë që lexoj çdo rresht.”

Bledari kujtoi me dhimbje edhe detajin se, pavarësisht se pagoi 700 euro plus 33 mijë lekë shtesë, autopsia zbuloi se gjashtë dhëmbë nuk ishin mbushur fare.

Pas këtij përfundimi, rëndohen pozitat e mjekut anestezist Roland Xhaxho, vajzës së tij stomatologe, Ina Xhaxho, dhe stomatologes tjetër, Marta Gina. Prokuroria kërkoi fillimisht “arrest me burg” për Roland Xhaxhon, por Gjykata e zbuti masën në “arrest shtëpie”, masë e njëjtë me dy stomatologet, nën akuzën e “vrasjes nga pakujdesia dhe mjekimit të pakujdesshëm”.

Faktoje.al raporton se po diskutohet mundësia e rikualifikimit të veprës penale në “Vrasje me dashje indirekte”, çka do t’i rëndonte edhe më shumë pozitat e mjekëve.

Rastet si ai i Brian Spahiut nuk janë të izoluar; Urdhri i Mjekut konfirmon se, ndonëse ka marrë vendime disiplinore, në pjesën dërrmuese të rasteve mjekët janë shpallur të pafajshëm dhe aktualisht nuk ka asnjë masë disiplinore në fuqi për mjekët,