Arturi mendon se e gjithë bota i ka kthyer shpinën. Në fshat e përflasin sepse siç pretendon, vëllai, Petriti, e akuzon se ka vrarë babain. Kësaj i shtohen fjalët se ka marrëdhënie me nusen e djalit. Në një gjendje të tronditur, Arturi u kërkon miqve të tij, Lavdies e Thomait, që i ka ftuar në “Shihemi në Gjyq” nga “E Diela Shqiptare” në Tv Klan, që t’i hapin derën.

Ai pretendon se i gjithë turpi e damka i ka ardhur nga bashkëshortja, Vali. Arturi pyet vazhdimisht Lavdien se ku ndodhet gruaja e tij, por ajo thotë se s’ka asnjë ide. Në fund, ai bën një deklaratë të rëndë.

Artur: E di unë se ku është, prostitutë! Kë nuk mora t’i kërkoj ndihmë e m’u kthyen të gjithë kundër!

Eni Çobani: Po është akuzë shumë e rëndë kjo se e ke nënën e djemve.

Artur: Është nënë e djemve, dakord. Kjo nënë e djemve, e zëmë sikur unë e rraha, po e kam rrahur, mos e pafsha dritën e diellit! Vetëm mora dajat e vëllezërit e saj, kë nuk mora, e më braktisën!

Akuzat e rënda vijuan edhe për nusen e djalit, e cila, sipas tij, bën veprime të pahijshme.

Artur: E çova në shtëpi me qira, sa vajti, çau frigoriferin, se ç’bëri tjetër, më vjen turp, s’di gjë! E çova te shtëpia e dytë, i vuri flakën shtëpisë së dytë!

Eni Çobani: Nusja e djalit?

Artur: Po!

Eni Çobani: Gjithmonë e shtrembra është nusja e djalit? Djali s’ka asgjë? Po djali si është? Djali është i mrekullueshëm. Po jo pra tani!

Artur: Djali është mpirë nga trutë se kjo nuse që i thënçin nuse, na shkoka në 12 të natës poshtë urës! Çfarë kërkon kjo poshtë urës në 12 të natës?

Eni Çobani: Kush more, nusja e djalit?

Artur: Nusja e djalit me gjithë të ëmën! Është turp, çfarë po bëjnë këto b***tra, po shkatërrojnë familjen!

tvklan.al