Vajza 6-vjeçare që mbijetoi tragjedinë e sotme në familjen Azizllari në Maliq ka mbërritur në Qendrën Spitalore Universitare “Nënë Tereza” në Tiranë. Ajo u transportua me urgjencë për shkak të djegieve të shumta dhe problemeve nga asfiksimi.
Sipas burimeve nga QSUT, e mitura po merr trajtim në repartin e djegie-plastikës. Ajo ka kaluar ekzaminimet fillestare dhe aktualisht po nënshtrohet analizave të detajuara nga ekipi mjekësor.
Xhaxhai i vajzës tregoi se ajo arriti të dalë vetë nga shtëpia dhe shpëtoi falë ndihmës së fqinjëve. “Vajza doli vetë nga banesa. Fqinjët iu dhanë ndihmën e parë,” tha ai për mediat ndërsa shoqëronte vajzën në QSUT.
Ngjarja e rëndë ndodhi paraditen e sotme në Maliq, ku një zjarr në banesën e familjes Azizllari i mori jetën nënës, 40-vjeçares Merjeme Azizllari, dhe djalit të saj 14-vjeçar, Luka.
