Ditën e djeshme, spitali privat ku ndodhet i shtruar Fatos Nano njoftoi se ish-kryeministri është në gjendje shumë të rëndë, pas një arresti kardiorespirator.

Burime nga stafi mjekësor për Top Channel konfirmojnë se parametrat e tij jetësorë janë stabël, por situata neurologjike mbetet e pandryshuar, ndërsa prognoza është ende e rezervuar.

“Pacienti ndodhet në gjendje shumë të rëndë pas një arresti kardiorespirator. Aktualisht me prognozë të rezervuar,” – thuhet në njoftimin e spitalit.

Ndërkohë, familja dhe miqtë e afërt të Nanos kanë kërkuar qetësi dhe respekt për privatësinë, duke shmangur komentet publike.

?? Kush është Fatos Nano – figura që shënoi historinë e politikës shqiptare

Ish-lideri socialist dhe tre herë kryeministër, Fatos Nano, konsiderohet një nga politikanët më me ndikim të periudhës postkomuniste.

Gazetari Roland Qafoku, në një intervistë për A2 CNN, e cilësoi atë si “një politikan modern që zbuti politikën e egër të viteve të para të demokracisë”.

Nano, që piu duhan për mbi 50 vite, ka lënë gjurmë në historinë e Partisë Socialiste, duke e shndërruar atë nga Partia e Punës në një forcë moderne perëndimore. Ai është nderuar me Medalje Mirënjohjeje nga ish-presidenti Alfred Moisiu dhe nga kryeministri Edi Rama.

?? Në këto momente, ish-kryeministri 72-vjeçar ndodhet nën kujdes intensiv, ndërsa vendi pret lajme mbi gjendjen e tij shëndetësore,